ІТЕ – буйнешая беларуская платформа для ўсебаковых зносін спецыялістаў і развіцця дзяржаўна-прыватнага партнерства ў галіне адукацыі як унутры краіны, так і на міжнародным узроўні.
Арганізатарамі выставы-форуму з’яўляюцца Міністэрства адукацыі Рэспублікі Беларусь і ГІАЦ Мінадукацыі. Партнеры мерапрыемства – беларускія і замежныя кампаніі-лідары ў галіне інфармацыйных і тэлекамунікацыйных тэхналогій.
На ІТЕ усе зацікаўленыя ў прагрэсіўным развіцці Беларусі могуць абмеркаваць з экспертамі актуальныя пытанні кіравання адукацыяй у лічбавую эпоху, магчымасці выкарыстання інфармацыйна-камунікацыйных тэхналогій у адукацыйным працэсе, праблемы кібербяспекі і перспектывы пабудавання лічбавай эканомікі.
Упершыню выстава-форум адбылася ў Беларусі ў 2017 гаду і сабрала 3000 гасцей. У 2018 гаду зацікаўленых стала ў 1,5 раза больш – ІТЕ наведала больш за 4500 удзельнікаў.
Ключавымі спікерамі ў 2018 гаду былі: спецыяліст па Webometrics Энрыке Ардуна-Мале (Іспанія), адукацыйны тэхнолаг Талінскай цэнтральнай рускай гімназіі Людміла Раждзественская (Эстонія), дырэктар ГІАЦ Мінадукацыі Павел Ліс, рэктар БДУІР Вадзім Богуш, глава прадстаўніцтва Microsoft у Беларусі Антон Мякішаў.
Падрабязную інфармацыю аб выставе-форуме можна атрымаць на сайце http://ite.unibel.by/.